السلام عليكم و رحمة الله و بركاته
انهادرة ان شاء الله نبدأ مع بعد الدرس الاول و ياريت لو حد مش فاهم حاجة يسأل ميتكسفش
*او لا احب اعرفكم بالبرنامج
هو برنامج بسيط و سهل بنقدر من خلاله نعمل تأثيرات متعددة ع الصور بحيث نوصل فى النهاية لصورة مبتركة و جديدة
و على فكرة برنامج الفوتوشوب مش اقوى برنامج ف عالم الجرافيك فى برامج تانية اقوى منه هبقى اشرحها بعدين ان شاء الله لما نخلص دورة الفوتوشوب .
ثانياً : نبدا كدة نعرف مع بعض اول مصطلح المفروض نعرفه عشان نتعامل مع البرنامج
Resolution
و تعنى درجة الدقة او النقاء فى الصورة و درجة قياسها الميجابيكسل
طيبو و دى هنحتاجها ف ايه؟
اكيد لما بنيجى نختار صورة معنية عشان نشتغل عليها بنكون محددين ف البداية عازووين مثلا الصورة دى صورة ديجيتال او ان دور او اوت دور
و دة كله هشرحه دلوقتى :
1- طباعة الاوفست و معناها الطباعة الملساء و دى بنلاقيها دايما فى البورشورات و الفلاير اللى بتتوزع مع الجرايد زى كنتاكى مثلا و كوك دور بتعمل منها كميات كبيرة و بتكون حجمها الى حد ما صغير عشان كدة بنختار الريزوليوشن 300 و دى درجة مناسبة نقدر من خلالها اننا نشوف الصورة بدرجة دقة عالية عشان ختكون قريبة من عنينا .
2- طباعة ال outdoor
و دى عبارة عن الطباعة اللى بنشوفها فى اعلانات الطرق الكبيرة اوى اللى بتكون على مسافة بعيدة و ممكن تكون بالنيون و عشان هى على مسافة بعيدة لو زودنا الريزوليوشن بتاعها هتكون مساحة الملف كبيرة جدا فبنخليها من 72 -90 .
3- طباعة ال indoor و دى بتكون فى الاعلانات
الصغيرة اللى بنشوفها داخل اشركات زى اليافتة النيون اللى بيحطوها على باب المكتب الرئيسى و غيرها و دى بنحدد الريزوليوشن بتاعها حسب حجمها .
4- طباعة ال ديجيتال و دى بيستخدمها الاستديو
و كمان بنستخدمها لما نكون هنطبع كمية كبيرة من اعلان معين فبنودى للمطبعة نسخة معاينة مع ملاحظة ان الطباعة الديجيتال مبتكونش نفس دقة الالوان فيها زى الطباعة الاوفست بيكون فى فرق بسيط .
5- الويب سايت او الموقع الالكترونى و دة بنحتاج ف تصميمه درجة الريزوليوشن 120 .
بعد كدة بقى نبدا نفتح البرنامج مع بعض
اول ما نفتح البرنامج هنكون عاوزين نعمل شغل
نحدد الاول هنشتغل على صورة موجودة بالفعل واللا احنا هنعمل صورة جديدة
لو هنجيب صورة جديدة بنفتح من اول قائمة ع الشمال و هى قائمة
file
open
هتلاقى نافذة اتفتحت قدامك و فيها محتويات جهازك اختار الصورة اللى انت عاوزها و اضغط اوك
كدة الصورة بقت قدامك و تيجى عشان تشوف كل تعديل عملته فيها تفتح من قائمة
windows
خيار layers
هتلاقى نافذة صغنونة اتفتحت على اليمين
و هتعرف بعدين دى لازمتها ايه
و لو انت عاوز تعمل ملف جديد
افتح من قائمة file
الامر new
هتلاقى فى عندك
custom
يعنى مخصص تختار الحجم اللى انت عاوزه و فى وحدات كتيرة تقدر تختار حجمك البوصة او السم او الملم زى ما تحب
و بعد ما تختار الحجم هتلاقى تحت
backgound
يعنى الخلفية تقدر تختارها
شفافة transparent
او بيضاء white
او ملونةcoulor
اما بالنسبة للمجموعة اللونية اللى هتستعملها هتلاقى مجموعات كتيرة تقدر تختار من بينها
RgB
ختصار ل
red green blue
و المجموعة دى بنستخدمها لما بنعمل تصميم هيتم عرضه على شاشات زى الاوت دور و شاشات الكمبيوتر ف الويب سايت مثلا
و فى مجموعة تانية
CMYK
و دى اختصار ل
cyane magenta yellow black
,و دى الوان باهتة بنتخدمها فى طباعة الاوفست
و بكدة خلص الدرس الاول استنونى فى الدرس الثانى
الرئيسية 
