فرصـــــــة للعـــــــــــــــتق اليــــــــوم

فرصة للعتق اليوم (كمان ساعات) فى انتظاركم

يا جماعة ربنا رحييييم بنا وبيحبنا وعاوز يغفر لنا ويعتقنا عارفين ليه اصل ربنا من اسمائه الكريم (الذى يعطى الاشياء دون ان يسأل) فما بالكم بالكريم عندما يسئل بقا

ربنا اصلا اصلا مغرقنا بنعمه سواء شايفنها او لا حد طلب من ربنا يديله عين يشوف بيها حد طلب انه يلاقى مياه شرب نظيفة حد طلب من ربنا رجلين يمشى بيهم وكتير كتير مش دى كلها نعم مين اللى ادهالنا الكرييييييم الله الكريم يا جماعة

طيب ممكن اخر طلب فى رمضان منى لكم
تانى للى حس ان رمضان عدا منه بسرعة او اللى عينه مدمعتش فى الصلاة او اللى فاتتها صلاة التراويح كام مرة للى مصلاش تهجد
للى قرب من ربنا اوى واللى مقربش
للناس كلها (انهاردة فى فرصة عظييييييمة) اخر نصف ساعة قبل الافطار
عارفين دى ايه؟ دى اخر نص ساعة فى شهر الاوكازيون الفريضة بسبعين والنافلة بفريضة الدعاء مستجااب علشان احنا صائميين

طيب يبقى حنركز فى اخر نصف ساعة ممكن نخليهم ساعة الا ربع ونبدا من الساعة 5 ومعلش الاخوات سيبى الاكل مش مشكلة لو اتاخر شوية جهزيه قبل الساعة 5 حنعمل ايييييييه كلنا
اول 10 دقايق استغفار (استغفر الله العظيم واتوب اليه) تمام
وبعدين 10 دقايق قراءة قران (اى سورة حافظينها حتى علشان تقرا كمية اكبر) معايا كده
والوقت المتبقى لحد اذان المغرب (دعاء.دعاء ثم دعاء) مش بنعرف ندعى

حتعمل ايه تتوضا وتجيب مصلية ووتفرشها وتقعد على الارض وترفع ايدك وتوطى راسك كده وتقول يا رب لك الحمد حمدا كثيرا طيبا مباركا فيه وتحمد ربنا كتير وبعد متحمد ربنا حتقول اللهم صلى على محمد فى الاولين وفى الاخرين وفى الملا الاعلى الى يوم الدين او باللى فى نفسك تصلى على النبى كتير

وبعدييين تفتح قلبك لحبيبك يعنى انت دلوقتى بين ايد اللى خلقك قول له كل اللى فى قلبك قول له يا رب انا تعبت من الدنيا دى يا رب خفف عنى يا رب وكل شوية افضل قوله يا رب راضى عنى يا رب راضى عنى يا رب يا رب ارضى عنى وتتذلل لربنا وتتمحك فى عفوه تقوله يا رب الناس اللى كانت بتجرى تصلى وانا نايم انت غفرت لها طب وانا مين حيغفر لى يا رب .. يا رب انا من غيرك حضيع وتشتكى له من الشيطان وتقول له يا رب حيرجع يوسوس لى تانى يا رب احمينى منه يا رب... وتستعيذ من النار تقوله يا رب مش حقدر على نارك يا رب متعذبنيش بنارك انا مليش حد غيرك يا رب انا اضعف من نار الدنيا ازاى حستحمل نار
الاخرة يا رب انا بحبك يا رب ونفسى حياتى كلها تبقى ليك وبحاول اعمل كده يا رب اعينى على ده ..يا رب دى اخر ثوانى فى رمضان يا رب لو ماعتقتنيش مين اللى حيعتق رقبتى من النار ...يا رب العتق العتق يا رب
يا رب عبادك كتير راحوا لك واعتقتهم وانا كنت بعييد مين حيقربنى الا انت يا رب زى مخليتنى اقول الكلام ده وافتح قلبى اقسمت عليك ان تعتق رقبتى

امين امين امين

يا رب اقسمت عليك انت تعتق رقبة كل من قرأ تلك الرسالة
يارب استجب يا رب استجب يا رب استجب

اللهم استجب لكل من لجأ اليك و اعتقه من النار
بارك الله فيكى يا سارة و يارب تنالى اعلى الدرجات فى الجنة