ساعدوا اهل غزة

يا شباب اللي حابب يعمل حاجة خير للفلسطينيين .. في حوالي 35 حالة من جرحى الحرب القائمة دلوقتي على غزه موجودين في معهد ناصر للعلاج .. الجرحى فيهم أطفال ورجاله وستات ، البعض من الجرحى مش معاهم مرافقين والبعض معاهم بس المستشفى مش بتأمن ولا حتى السراير للمرافقين، عشان كده الجرحى والمرافقين محتاجين حاجات المستشفى مش بتقدر توفرهالهوهما وهما في امس الحاجة لها :
1. فلوس ، حتى لو مبالغ بسيطة عشان احتياجاتهم الشخصية
2. بطاطين لأن البطاطين عددها قليل أوي وانتو عارفين الجو اليومين دول عامل ازاي (يعني بطاطين قديمه عندكم مش محتاجينها(
3. ملابس شتوية رجالي ونسائي ( الجرحى والمرافقين دخلوا مصر بالهدوم اللي عليهم، ياريت اللي عنده اي حاجة شتوي مش بيلبسها يبعتها)
4. كروت شحن (عشان كتير منهم مش عارفين يطمئنوا على ولادهم وقرايبهم اللي هما لسه تحت القصف )
5. مراتب للمرافقين ، عشان بيناموا ع الأرض لأن المستشفى مش بتوفرلهم سراير ولا بطاطين
6. المواساه والدعم المعنوي ( ودي أكتر حاجة هما محتاجينها اننا نحسسهم اننا معاهم بقلبنا ومشاعرنا ودعائنا ، ياريت تروحوا تزوروهم وتكونوا معاهم في أصعب لحظات ممكن الواحد يمر بها .. انشاء الله يكون كل ده في ميزان حسناتكم والخير عمره مابيضيع يا جماعة .. قال رسول الله صلى الله عليه وسلم ( مثل المؤمنين في توادهم وتراحمهم وتعاطفهم كمثل الجسد الواحد اذا اشتكى منه عضو تداعى له سائر الجسد بالسهر والحمى )

اللي حابب يعمل حاجة من الحاجات اللي فوق دي ، ياريت يبعتلي ، وانا حقوله يعمل ايه ..
جزاكم الله كل خير