للكـــــذابين فقــــط

السلام عليكم

الموضوع ده للكدابين بس ......وده وقت الكدابين الكبار انهم يظهرو ويبقى ليهم مكانة ومركز

دايما المواضيع تقول للصادقين والكدب ملوش رجلين والحاجات دي

الكدب ممكن ميكونش لو رجلين .....بس اكيد يعني عندو كرسي بعجل
المهم....

الموضوع انك تكدب كدبة متدخلش العقل ولا الانف ولا الاذن ولا الحنجرة

وبعدين نشوف انهى احسن كدبة فيكم هوة الفايز
يعين عايزين كذب حلوة كدة

انا هقول كدبة من نفسي وانا هكون اول كدابة معاكم النهاردة

احم احم

انا سافرت لندن من كام يوم كدة ..وقابلت هناك الفنان الكبير دانيال راد كليف وهوة اول ما شافني مصدقش عينه راح جري بسرعة وطلب مني توقيعي ...^_^

يلا عايزة اشوف ردود ...ياترى مين هيفوز

تسلم ايدك يا قمر لسة احنا هنعمل زى الناس القدام دول و نقول الحقيقة :x
ااحنا كدة نتكلم بقى من قلبنا بس طلعتى كدابة اوى هو اللى طلب توقيعك يا جبروتك يا سارة
انا بقى كنت مسافرة على ضهر ديناصور صغير و بعدين افتكرت انى نسيت حاجة فى البيت
رجعت عشان اجيبها من الطريق الصحراوى كان مقفول المهم فجأة لقيت نفسى ف وسط البلد
و زحمة مرور جامدة موت كانت هتعطلنى عن مشوارى المهم اتصلت بحسنى مبارك
خلى الطريق يتفتح مخصوص عشانى و بعدين جابى الوزراء كلهم يعملولى حراسة ع الجانبيبن
و كانو كلهم راكبين على ظهر افيال.

هههههههههههههه هههههههههههههه
طول عمرنا بنقول فلان كويس عشان بيقول الحق و دلوقتى بقى فى مسابقات للكدب
بس تسلم ايدك يا دمع القلوب فكرة جديدة عليا
انا عن نفسى كنت ف يوم طالع رحلة للفضاء -رحلة مميزة-يعنى ف سفينة تيتانيك الفضائية و بعدين الموبايل
وقع منى عملته رصد باشعة الليزر و جذب بقوة مغناطيسية هائلة و جه عندى اعتذرلى انه مجاش بسرعة .

ههههههههههههههههههههههه
هههههههههههههههههههههههههه

اقتباس :

هو اللى طلب توقيعك يا جبروتك يا سارة

ايون ايون هو طبعا اللى طلب توقيعى
اكيد اتهبل اول ماشافنى
دانا حكيتلك على دانيال بس ماتعرفيش براد بيت عمل ايه بقى لما قابلته ف انجلترا
كان هيتجنن من كتر ماهو بيتحايل عليا عشان ارد عليه وهو ماشى ورايا وبيعاكسنى وانا على كلمة واحده
ماخدوش يا بابا ماخدوش يا بابا
ههههههههههههههههههه

الله الله على الكدب
والله ماتوقعت ان المواهب هتبقى رهيبه كدا
لا بجد فوظعه (جمع فظيعه )يعنى ههههههههه
وشكلنا كدا مش هنعرف نحكم على اجمد كذبه
كلهم ما شاء الله يجننووو

دة انتو طلعتو كدابين اوى مش هعرف اكدب بعد كدبكو دة خالص
ياللا بقى هعتزل

ليه بس كدا
ماتجربى كدا
يمكن تطلعى عاندك موهبة وانتى ماتعرفيش

صراحه على صراحتكم بقى انا ف مره كنت قاعده ف القصر الشتوى بتاعى اللى على السحابه اللى تحت ثقب الاوزون كنت زهقانه اوى وبعدين اخدت البساط السحرى بتاعى ورحت اتمشى على السحابه اللى فوق القطب الشمالى وبعدين وانا ف الطريق عديت على جزيره جميله اوى ولقيت هناك كل ديناصور قاعد مع العصفوره مراته تحت شجره بيغنيلهاوكمان كان فى فيل صغنن بيرقص باليه على بحيره الجزيره وبعد لما وصلت للقطب الشمالى قابلت هناك بوش وقالى انهم قرروا يبدلوا وضع البلاد يعنى الجزء الشرقى هينقلوه مكان الجزء الغربى

ههههههههههههههههههه
ههههههههههههههههههه
والله انتى فقر
بجد بجد تحفة
وحلو اوى كل ديناصور مع العصفورة مراته
وال ايه الفيل بيرقص باليه
والله ماحصلتيش

عايزين تبقى تحكيلنا على مغامراتك دى كتييييييير

ايه ده ايه الكدب ده كله انتوا ما تعرفوش ان الكدب حرام لا انا مش هالعب معاكو

في يوم من الايام كان يوم تلات كنت ماشي خرجت من بتنا عشان اروح اصلي الجمعة لاقيت نفسي في القدس الشريف و مش هاتصدقوا اني اول ما وصلت بعت عساكر الحدود لشارون و جالي فورا في طيارة شبح عشان يستقبلني فبصتله من فوق لتحت و قولتله انا جاي احرر القدس و تلعطله السنجة القرن غزال من بقي فخاف و هرب و امر عساكره بالانسحاب من القدس و بكدة ابقى حررت القدس واسمي اتحط جنب اسم عمر بن الخطاب و صلاح الدين الايوبي

شوفتوا بقى انا راجل مهم وقوي ازاي

هههههههههههههههههه
ههههههههههههههههه
يااااااااااه
داحنا عاندنا ف المنتدى هنا شخصيات مهمة جداا
وليها دور فعال

لا وال ايه مش هلعب معاكوا
دانت طلعت كدااااااب اوووووووووووى