فضفض معانا

موضوع: فضفض معانا السبت أغسطس 30, 2008 10:59 pm

مرحبا يا جماعة انا شفت الفكرة دى ف منتدى تانى و عجبتنى اوى

عشان اللى نفسه يتكلم بصراحة من غير كسوف و لا حد يعرفه يقدر يتكلم و يحكى كل
اللى ف قلبه و عشان كدة انا عملت العضوية دى باسم
fadfada
و كلمة السر607080
و اى حد عاوز نشاركه مشاكله و نقوله حلول ياريت يدخل بالعضوية دى
و فى سرية تامة محدش هيقدر يعرف هو مين

موضوع: رد: فضفض معانا الأحد أغسطس 31, 2008 11:29 pm

فكرة جنان يا شيري
وان شاء الله
عايزين نلاقى اقبال
عشان نساعد بعض
يسلمووووو

هايل جدا جدا يا شيري والله ياخرب بيت الناس اللي انتي سبتيهم

انا هبدا بنفسي و مش هانكسكف منكوا عشان احنا اصحاب مش كدة برده
انا مشكلتي اني كنت بحب واحدة بعد كدة سبنا بعض من ساعتها و انا مكتئب وكاره كل الناس الا 5أو 6 بس و هما اصحابي اوي و من ساعتها مش عارف احب الناس كلها و عايز ارجع زي مل كنت بحب كل الناس و بصاحب ناس كتير بس مش عارف fgdfs

ف البدايه طبعاً ميرسى يا شيرى ع الفكره دى بجد حلوه اوى

اما بالنسبه ليك يا حسن اكيد طبعاً كلنا هنا اصحاب
اولاً المشكله بتاعتك دى مش مشكلتك انت لوحدك
للاسف المشكله دى بقت عند ناس كتير اوى بس لو فكرنا بالعقل شويه هنلاقى اننا ف الغالب اخترنا غلط مش عرفنا
نختار اللى يقدر مشاعرنا صح ويفهمها عشان كده الحزن عمره ماينفع يكون حل
بالعكس طول م الانسان مهموم عمره مايقدر يفكر صح وكمان الحياه كلها مشاكل لو وقفنا احنا عند كل مشكله الحياه مش هتقف معانا وهيجى علينا يوم نندم على كل اللى راح منا
لازم تقف مع نفسك وقفه بجد وتبص لحياتك من منظور جديد دور على نفسك من جديد وحاول تعرف انت مين وعاوز ايه بالضبط ...دور على احلامك وطموحاتك وحاول تحققها ...ممكن يكون صعب والمشوار ممكن يطول لكن مش مستحيل
لان حياتنا احنا اللى المفروض نمشيها مش هيه اللى تمشينا
ولو اللى فات خسرناه مش ينفع نضحى باللى جاى كمان
حياتنا كده كده عايشنها سواء رضينا او لأ يبقى نحاول على قد ما نقدر نخليها اجمل
صدقنى لو فكرت بعقلك شويه هتقدر توصل لاى شيئ مهما كان بعيد او صعب وافتكر دايما ان مش فى حاجه مستحيله .....

ميرسى جداً يا جماعة لردودكم و على فكرة دة اكتر موضوع تعبنى و انا بكتبه

صحيح انا حابة اساعد كل الناس ف حل مشاكلها
لكن انا برده بزعل عشانكو و محبش الاقى حد متضايق
و بالنسبة ليك يا حسن مش لازم تخلى اللى حصل يبقى عقبة ف حياتك و افتكر دايما
ان ربنا بيختارلنا الاصلح يمكن دلوقتى مبقدرش نتفهم الوضع لكن بعد سنين طويلة بنعرف
و نتأكد ان اللى حصل كان فيه مصلحتنا و افتكر برده ان عندك اصحاب و اخوات ممتازين واللا تنكر؟!
و بعدين انت جواك حب وخير للناس كلها يمكن انت مش شايفه لكن الناس بتحس بيك
عشان كدة كلهم بيحبوك و يجيبو سيرتك تملى بالخير فكر ف دة
فكر ان غيرك بيتمنى شخص واحد بس يحس بيه و مش لاقى
فكر ان انت عندك قدرات كبيرة و حاول تستغلها صح
و ف النهاية خلى ايمانك بربنا كبير و هتلاقيه معاك ف كل خطوة و بلاش الندم ع اللى راح
kkk

بجد مش عارفة اقول ايه بعد الكلام اللى اتقال
فعلا كله صح ميه الميه
ولو فكرنا شويه هنعرف ان فى مطبات كتير ماتستهلش ف حياتنا بس احنا بنقف عاندها كتير
ونوقف حياتنا كلها عليها
مع ان بعد كدا اكيد هنندم جامد ع الوقت اللى ضاع مننا واحنا موقفين حياتنا كدا

وحنا كدا كدا مش مخيرين ف اى شئ بيحصلنا
كله بيبقى نصيبنا
بس تعرف
لما الواحد بيخش تجربة وبعدها مش بتكمل لاى سبب من الاسباب
دا برده اكيد لمصلحتنا
عشان
ما الموضوع ده يبوظ .. و ييجى النصيب ( اللى ربنا كاتبه ) و اللى المفروض متوقفش حياتنا بعد الموضوع الاولانى عشان ييجى النصيب ده
نعرف ان ربنا ورانا حاجه حلوه اه .. بس مش بتاعتنا .. عشان لما ييجى النصيب .. نعرف ان حظنا
احلى بكتيييييييييييييير من المره الاولانيه
طب ليه المره الاولانيه ده اصلا وا لتعب النفسى اللى الواحد فيه
عشان الواحد ساعت النصيب لما ييجى
يفكر مليااااااااااار مره فى انه ميضيعش الفرصه ده
و ان الموضوع الاولانى كان زى تجربه كده ربنا مديهالنا عشان نتعلم بعدها فى غلطات ممكن تحصل
نبقى نخلى بالنا بعد كده
عشان منحسش بالزعل ده تانى مره و الاحساس النفسى المتعب ده

يمكن نكون كلنا عارفين كدا بس بنحط نفسنا جوة الدايرة المقفوله بتاعة احزانا
اللى مش بتخلينا نشوف غيرها وبس

حتى انا نفسى مش بعمل بالكلام دا
بس هو دا الصح واللى المفروض يكون
لان زى ما داليا قالت
هى دى حياتنا وهنعيشها هنعيشها
ان رضينا او لا
فليه مانخليهاش حلوة ف عنينا عشان مانرجعش نندم عليها

سوررررى بقى طولت عليك اوى

قالولك كل حاجة

مش حتكلم كتير

بس لازم تعرف انك محبوب من كل الناس

وليك عندهم مقدار كبير

واللي تسيبك هي الخسرانة مش انت

سلاااااااااااااااام

ميرسي سا جماعة على كل الكلام الحلو دة
المشكلة ابي عارف الكلام ده بس مش قادر اعمله و شايفه صعب جدا
ياريت تدعولي اني ابقى كويس على الاقل تبقى نفسيتي مرتاحة
dffgd

ف البدايه طبعاً مش المفروض تتشكر لان ده واجب الاصدقاء تجاه بعضها

ثانياً الموضوع مش بالصعوبه اللى انت متصورها مدام الانسان من جواه ليه رغبه قويه ف شيئ لازم يحاول من غير يأس ولا وهن
لو حاولت بجد وعن رغبه حقيقيه اكيد هتقدر تتجاوز المحنه دى لأن ارادتنا اقوى سلاح لينا ولازم نستغلها صح
فكرتنى بمقوله بحبها اوى لانها فعلاً حقيقيه قالها جبران خليل جبران
)
لماذا تعذب نفسك بلا مبرر ..والحياه لن تتأخر عن القيام بهذه المهمه أفضل منك حين توجد الأسباب الحقيقيه للتعاسه
(((والعذاب!!!!!!!!!!!!
rrrr

عاكم حق يا جماعه وعلى فكرة كل الامراض النفسية
بتيجي من الكبت الي الواحد بيحط نفسه فيه

ف يا ريت نخلى شعارنا فضفضوا تصحوا

موضوع: رد: فضفض معانا الخميس سبتمبر 11, 2008 6:06 pm

مش عيب ان الانسان يخسر شىء ف حياته
لكن العيب انه يخلي الخسارة تكسره و تجر وراها خسارة تانية و تالتة
و يفوق بعد فوات الاوان يلاقى نفسه خسر كل شىء
ياريت كل شخص يفكر ف الحاجات الكويسة اللى ف حياته
و ميبصش لنص الكوباية الفاضى
و بالنسبة ليك يا اخ حسن اعتبرنا كلنا اخواتك
و بلاش تزعل و انت ف وسطنا .
بايسون

dffgd

موضوع: رد: فضفض معانا السبت أكتوبر 25, 2008 4:22 pm

معلش يا حسن ما تزعلش والله هي الخصرانه هي هتلاقي زيك فين واعرف ان الناس كلها بتحبك ولو انتا مضايق اوي بنوتة سكر

متزعلش هجبلك ست سته