أنا و صاحبي

موضوع: أنا و صاحبي الأربعاء أبريل 14, 2010 5:01 pm

السلام عليكم ورحمة الله وبركاته
ازيكم يا أصحابي
كنت واقف امبارح مع ابن عمتي كنا بنتكلم عن موضوع يخص واحد صاحبنا ( بيحاول يصاحب حد مش كويس و هو مايعرفش انه مش كويس ) بس انا عرفته و اتكلمت معاه و فهمت انه انسان مش كويس المهم الموضوع اني قلت لأبن عمتي أني لازم اتدخل و انبهه عشان مايعملش حاجة و يندم عليها بعد كدة انما هو عارضني و رفض اني اتدخل عشان مايحصلش مشكلة بيني و بين صاحبي رديت عليه ان ده شئ مفروض عليا و اني لازم اتدخل لأن ده واجب الصداقة اني لو لاقيت صديقي ماشي في طريق غلط لازم ابعده عنه طبعا مش باجباره لكن بنصحه و اني اعرفه الحاجات اللي مايعرفهاش و اللي هاتواجهه في طريقه ده
المهم اننا اختلفنا مع بعض حاولت افهمه وجهة نظري فقلتله تعالى نسأل اي حد ماشي في الشارع و لو حتى كان طفل يعني ايه صديق و بعدها نتكلم
سألنا شوية أطفال كانوا في الشارع
((يعني ايه صديق؟))
واحد قال:
صديقي او صاحبي ده اللي يقف جانبي وقت الشدة
التاني قال:
صاحبي اللي مايسبنيش و انا بتخانق مع زمايلي في الفصل
التالت قال :
صاحبي اللي لما اكون محروم من المصروف بيقسم مصروفه معايا
الرابع قال :
صاحبي هو اللي بيديني سندويتشاته لما مابيبقاش معايا سندوتشات
وواحد تاني قال:
صاحبي هو اللي بيديني لعبه العب بيها
و غيره قال:
صاحبي ده هو اللي كل مايشوفني ياخدني بالحضن
وغيره وغيره وغيره حوالي عشر اطفال عمرهم من 6:15سنة
المهم انا دلوقتي مش عارف اعمل ايه اكلمه ممكن يفهم اني عايز اتدخل في حياته ما أكلمهوش يبقى انا قصرت في حقه و هاشيل ذنبه.
دلوقتي انا مش عايز منكم انكم تقولولي اعمل ايه بس عايز منكم ان كل واحد منكم يقولي معنى الصداقة بالنسبة ليه أيه
و انه لو مكان صاحبي هايعمل معايا ايه في الحالتين
اسف على الاطالة واتمنى اشوف آرائكوا

بالنسبة لرأيى ف موضوع الصداقة

فهى طبعا بتتنوع على اساس درجتها او شدتها
وان كانت فى سمات مشتركة

فالصداقة بالمعنى الشامل او العام هى شكل اجتماعى بيحتم على افراده انهم يتعاونوا فى امورهم المشتركة
ومسانده بعضهم لبعض وتبادل الرأى ....وغيرها من الامور اللى بتتطلب تقاسمها فى الحياة

اما بالنسبة لاقصاها درجة او اللى بنطلق عليه (الانتيم) بتجعل من الصديقين كيان واحد بحيث انه لو احد الطرفين بدأ يخطى ففرض على الطرف الاخر منعه ولو بالقوة بالاضافة لتقاسمهم المواقف الحياتيه بما فيها من احزان وافراح .

اما بالنسبة للشق التانى

فاذا كانت صداقة ولكنها لم تصل الى الدرجة القصوى ففى الاغلب سيتم اعتبارها مجرد نصيحه يمكن الاخذ بها او لا

اما اذا كانت صداقة قوية فمن الممكن تفهم طبيعة الموقف .

(مجرد رأى شخصى)

سورى ع الاطالة

ميرسي على درك يا دكتورة
بس كدة أنا بدأت أشك إنك الوحيدة اللي في المنتدى
اللي تعرفي معنى الصداقة
أيه باقي الأعضاء ماعندهمش أصدقاء ولا أيه
أتمنى أن أرى ردودكم
ميرسي مرة تانية يا رانسي على الأهتمام