مسخرة اعلامية ..انت لسة شوفت حاجة

الاعلام دة اكتر حاجة بنحتاجها دلوقتى و من غير ما نحس بنلاقى نفسنا بنهتم بيه و داخل ف كل حياتنا طبعا فى ممارسات اعلامية جميلة جداً لكن برده فى ممارسات .......... تيييييييييييييييت..............
يعنى مش هسد نفسكو كتيرهتكلم بس عن شوية حاجات كدة صغيرة ياريت تنتبهوا ليها و الله المستعان
أولاً :بالنسبة لوكالات الاعلام الغربية واللى بتستعين بكل اخبارها وكالاتنا المحلية و الاقليمية و طير يا خبر ف كل مكان فى مصطلحات بتتنشر تغير المعنى و الوضع تقلبه رأساً على عقب مثلاً العمليات الاستشهادية اللى بيقوم بيها الفلسطينيون بيقولوا عليها حملات انتحارية !!!!!!!!
و كمان بيقولو عمليات العنف الفلسطينى او العمليات الارهابية عكسوا الآية ......
و بالنسبة لإيران لما ماالتزمتش بقرار مجلس الأمن اتبروزت كدة و عملوا تحتها خطوط حمرا و موال أزرق مع ان اسرائيل عمرها ما التزمت بقرارات ............
نشرت وكالات الأنباء ان العراق كان فيها انتهاكات لحقوق الانسان طب ليه منشرتش ان ف امريكا اكبر انتهاك لحقوق الانسان .............
قالوا برده ان ايران .....تييييييت.......و تييييييييييييييت عشان الاسلحة النووية
قال يعنى امريكا معندهاش تقول ايه بقى
ف الدول النامية بياخدوا المضمون و الفكار الاعلامية ف العالم المتقدم و يطبقوها من غير ما تكون أصلاً مناسبة للواقع بتاعهم يعنى نظام سمك لبن تمرهندى على سبيل المثال لا الحصر ف بلدنا مسلسل فريندز الاجنبى اتعمل منه كوبى باست لنفس الفكرة شريف و نص ف رمضان اللى فات ياللا هو حد عارف حاجة و برنامج ستار ميكر فكرته غربية المشكلة مش ف كدة المشكلة ان احنا بقى عهندنا ركود فظيع و يشل و كارتون الاطفال بنستورده من أمريكا حتى الدراسات الامريكية بتندد بنتايجه العدوانية ع الاطفال غير انه بيبث قيم مش موجودة ف مجتمعاتنا خالص و فين انتاجنا ......الله أعلم
لما تفتح التليفزيون تلاقى فاصل اعلانى مدته خمس دقايق بين كل دقيقتين بث تقليد أعمى ف أمريكا نسبة الفواصل الاعلانية للمواد المذاعة 70-30 يعنى الفواصل تكسب بيخلوا الواحد بيتفرج و هو نفسه يكسر التليفزيون
و لااعلان نفسه تلاقيه بيركز على بنت موديل مايعلم بيها الا ربنا تقريبا نسيت انها انسانة مش سلعة بيتفرج عليها الناس ........ياللا هو حد واخد باله
و المذيعات ماشاء الله تربية انجليزى مبيعرفوش يتكلموا عربى كويس تلاقى الواحدة منهم لدغة و متعرفش تنطق كلمتين على بعض و نازلة ضحك ضحك تقريبا بتضحك كل دقيقة عشان الوقت ينتهى بسرعة هى خسرانة حاجة
و كمان فى شرط للعمل ف المحطات الالرضية متكونش المذيعة لابسة حجاب دة عشان ايه ان شاء الله الحر مثلا والا هى دى صورة الاسلام
و البرامج ماشاء الله بتبث فكر ايه جامد جامد شوف كام برنامج ملهمش لازمة يتكلم مع الفنان فلان مايولع هو احنا ناقصين تعتيم اعلامى كمان كفاية بقى الدنيا كلها ضلمت .
و ف الآخر طبعا انا مقولتش كل حاجة بس حبيت اعرض حاجة بسيطة و لينا لقاء منور ف الحاجات الكويسة أصل الدنيا مش كلها سوداء

اصل الامريكان متقدمين فاحنا بنقلدهم عشان نوصلهم
حسبنا الله و نعم الوكيل

» مواقع اعلامية
» كل واحد يسيب للبعده حاجة